ARTIKEL

BERUPAI… Abi pantuk ular ba dekuan kanan niang.

Siku indu bebadi nyawa dipantuk ular lebuh engkuyung

Facebook
Twitter
LinkedIn
WhatsApp
Telegram

KANOWIT: Siku indu beumur 48 taun ditemu bebadi nyawa pengudah dipantuk ular lebuh engkuyung ba Sungai Ulu Machan ditu, ujung minggu tu kemari.

Nitih ke penerang, niang Florence Galu ke apin belaki bisi penanggul ba pengerai runding.

Tuai Polis Pelilih Kanowit DSP Tega Bilong madah, niang dipadah nadai pulai ke rumah panjai sida ba Rumah Rundang Bana, Nanga Manggut, Machan pengudah nurun engkuyung kediri sehari sebedau nya.

Ba hari ti sama pengudah nerima berita pengelenyau tudah, dia
Tuai Rumah Rundang enggau sida serumah berumban ngiga tudah.

Urung pukul 8.15 malam, tubuh niang ditemu sida serumah tebing Sungai Ulu Machan urung 30 meter ari rumah panjai sida lalu dibai pulai sereta disengai sebedau dianjung ke pendam.

Ari pansik ba tubuh niang, bisi bekau pantuk ular ba dekuan kanan iya lalu ketegal endur penusah nyadi jauh ari Balai Polis Kanowit, ngena perau panjai enggau ai pabu ngujungka kaban belayan niang laun ngaga ripot polis.

BERITA LAIN

Kapit meruan ba ati

TUSUN KETERUBAH TAJA udah tu bejalai jauh beribu batu meri servis pengerai ngagai mensia mayuh ba selampur Sarawak tauka menua bukai, Kapit meruan lekat ba

BERITA TERBARU

Kapit meruan ba ati

TUSUN KETERUBAH TAJA udah tu bejalai jauh beribu batu meri servis pengerai ngagai mensia mayuh ba selampur Sarawak tauka menua bukai, Kapit meruan lekat ba