BINTULU: Siku indu lunggar umur dikenuku retung ba penusah 16 rumah kayu di Jalai Tanjung Kidurong, Sungai Plan ditu, tengah hari tadi.

Tuai Opis Bomba enggau Penyah Penusah Malaysia (JBPM) Zon Lima Bintulu Wan Kamarudin Wan Ahmad madah, indu lunggar umur beumur 77 taun nya benama Nuie Ipang.

“Ba penusah angus mungkur rumah kayu dipelaba pemesai 300 x 400 kaki persegi nya, siku indu lunggar umur dikenuku retung.

“Bisi 92 peranak (nyengkaum siku indu lunggar umur ti retung) diau dia nyengkaum 67 orang besai tuai enggau 25 nembiak lenyau endur ngenduh,” ku iya.

Iya madah ke tubuh indu lunggar umur ti retung nya diserah ngagai raban polis pukul 2.12 lemai ungkup atur bukai.

Ku Wan Kamarudin, penusah nya udah nganguska 16 rumah nya.

“16 rumah nya angus 100 peratus lalu api mujur dipadam pukul 12.03 tengah hari,” terang iya.