KANOWIT: Siku pengereja lelaki peranak Indonesia bebadi nyawa pengudah ditinggang tangki septik ba Kem Ngaga Tali Karan Sesco, Mapai semak ditu, malam Hari Empat tu tadi.
Kenu ku penerang ari Palan Operasyen Bomba Sarawak, niang benama Agus Setiawan beumur 19 taun.
“Ba penusah nya, Balai Bomba enggau Penyah Penusah Kanowit nerima ripot urung pukul 7.22 malam.
“Sebuah entukar FRT enggau tujuh raban Bomba diketuaika PBKII Labang Bunsu berumban ngesah ngagai endur penusah nyadi,” terang iya.
Ku penerang nya, lebuh penusah nyadi deriba lipan benung mindahka tangki ai ngagai lori ti ngenyit labuh ninggang tudah.
“Niang maya nya semak dia laban benung nyaup pengawa mindahka tangki ai.
“Bala bakih niang nguji ngidupka iya tang nasip nadai laban niang parai tekala nya dia,” ku penerang nya.
