KUCHING: Siti kes positif baru dirikod ba Sarawak kemari ngujungka penyampau kes positif diatu manggai 570 kes.
Sapit Kepala Menteri ti mega nyadi Chairman Komiti Penyangga Penusah Ngenyit Nengeri Sarawak (JPBNS) Datuk Amar Douglas Uggah Embas madah, kes positif baru nya nyadi di pelilih Kuching ba siku rayat menua luar.
“Kes ke-570 tu nyadi ngagai siku rayat menua luar ke gawa nyadi menijar projek ba kompeni projek ke sama enggau kes Indonesia iya nya kes ke-563 enggau ke-565 diripot nyadi kena 18 June tu tadi.
“Naka diatu, bisi 112 kaul rebak keterubah enggau 312 kaul rebak kedua udah ditemu,” ku iya.
Uggah madah munyi nya ba aum pemberita pasal Covid-19 di Begunan Dun Lama, ditu tadi.
