KUCHING: Pangku pengawa Tuai Komuniti enggau Tuai Raban Bansa (KMKK) beguna amat laban sida nya institusyen besai ti nyambung perintah enggau rayat ba renggat baruh. Menteri Kereja Raya, Datuk Seri Alexander Nanta Linggi madah, KMKK nentuka polisi perintah ulih dikenatai enggau dipejalai ngasi agi sereta nyaga penyambung pemansang sosioekonomi enggau budaya komuniti lokal.

“KMKK mereti ke utai ti nyadi enggau pekara diguna komuniti ngujungka sida nyadi jematan ti beguna nyaga pengelantang rayat enggau ngemujur polisi perintah,” ku iya ba ruai Facebook, ditu ensan ngujungka sida nyadi jematan ti beguna nyaga pengelantang rayat enggau ngemujur polisi perintah,” ku iya ba ruai Facebook, ditu ensanus.

Ba pekara sama, iya nerang ke Aum Komiti Khas Atur KMKK sereta Komiti Pemansang enggau Pengelikun Genturung Pendiau (JKKK) Sarawak Bil 1 Taun 2025 nya nalan berandau ke isu, meri penemu enggau perambu negap tanggungpengawa KMKK.

“Aum sekali tu betuai ke Sapit Premier Sarawak, Datuk Amar Douglas Uggah Embas meri perati ngagai perambu numbuh pangku pengawa KMKK Sarawak.

“Aum tu ngemerat tungkap baru Skim Servis KMKK Sarawak enggau nyiri Kaban Komiti Panel Milih KMKK Renggat Bagi Menua. “Utai ti narit aku nyengkaum semua raban ti ngulu aum iya nya perambu niki ke gaji tuai komuniti enggau niki ke elaun tuai raban bansa.

“Inisiatif tu beguna amat ukai semina dikena ngenang jasa enggau pangku pengawa KMKK seraya ngemujur pengawa ngemansang rayat,” ku iya

Iya mega ngarap aum nya ulih meri empas ti besai agi ngagai pangku pengawa sereta tanggungpengawa ngagai urung 7,700 KMKK di selampur Sarawak ngambi nyendia servis pemadu manah ngagai rayat renggat baruh.

Nambah ke nya, aum nya mega digulu Sapit Premier Sarawak, Datuk Amar Dr. Sim Kui Hian, Sekretari Perintah Sarawak, Datuk Amar Mohamad Abu Bakar Marzuki, Kaban Kunsil Nengeri (ADUN) bukai enggau Residen ari sekeda bagi menua di Sarawak.