BINTULU: Bisi semilan nembiak Sekula Sekondari (SMK) Bandar Bintulu bulih pemutus peresa nyulut ba Sijil Pelajaran Malaysia (SPM) 2022 ti dibantai kemari.
Nembiak nyulut nya nyengkaum Elvin Chai Ming Jun, Lemuel Yiek Zhe enggau Wo Yu Xuan ti bela bulih pemutus persa 10A lalu Tiong Tiew Cheng, Darren Hii Boon Hong, Darren Ngi Ung Kai, Moh En Qi sereta Lee Xin Yi bela bulih 9A lalu Luke Larqienze Walter Teany bulih 8A.
Tiong Tiew Cheng bela bulih Anugerah Nembiak Nyulut SPM 2022 renggat nengeri ketegal bulih semua A ba subjek iya nya 7A+ enggau 2A.
Pia mega, bisi 19 nembiak ti mujur bulih pemutus peresa SPM 2022 9A enggau 8A bela dirami.
Nya nyengkaum Tang Eng Nguan, Aisya Sofea Hii Li Min enggau Ann Lo Han Jing ti bulih 9A lalu Jihan Fahira Abdullah, Moses Ting Zhi Wang, Joanne Chiew Jing Ting enggau Angela Ngui Xue Ling bulih 8A.
Entudi ke nya, Kenneth Moh Hiong Wung, Edison Liu Huan, Derica Ngadan enggau Cyndia Teo Ya Aii bulih 7A sereta Mia Maisarah Mohamed Fadzly, Marianne Menti Samuel, Kung Zi Chin, Branden Juan Luta, Alice Ling Hui Ong, Kong Pei Qin enggau Isadora Aren Lawrine bulih 6A.
Principal SMK Bandar Bintulu, Rubiah Taip rambau mantaika pemutus peresa SPM 2022 madah, bisi 82.08 peratus chalun sekula nya patut nerima setipikit SPM 2022 enti dibanding 77.73 peratus ba taun sebedau nya.
