PUTRAJAYA: Komiti Pengawa Bepilih (SPR) nganti penerang rasmi ari Speaker Kunsil Nengeri (Dun) Sabah Datuk Syed Abas Syed Ali bekaul pengawa madam Dun nengeri nya.
“Speaker Dun Sabah mesti ngeluarka gerah (ngagai SPR) dulu.
“Pengudah gerah nya udah diterima, baru SPR deka ngeluarka penerang,” ku siku pemesai SPR lebuh dirandau Bernama sehari tu.
Kepala Menteri Sabah Datuk Seri Mohd Shafie Apdal nengah aum pemberita di Kota Kinabalu kemari madah, pengawa madamka Dun Sabah betuju awakka pengawa bepilih nengeri ulih diatur lalu pekara tu udah dikemendar Tuai Pemegai Menua (TYT) Sabah, Tun Juhar Mahiruddin.
Mohd Shafie ti mega Presiden Parti Warisan Sabah madah, iya agi bejalaika pangku pengawa nyadi Kepala Menteri ba timpuh madamka Dun nya.
Ungkup penerang semua, Dun Sabah diatu bisi 65 penuduk.
