SRB: Besaup nyaga pemeresi sungai

KUCHING: Kaunsil Sungai-Sungai Sarawak (SRB) menggi tanggungpengawa meresi sungai kelebih agi pengawa muai uras ke anyut di serata sungai Sarawak ngaul reba enggau uras bukai.

Taja pia ku Kontroler SRB Richard Tajan, mensia mayuh enda patut bebuaika uras ke dalam sungai.

“Sungai tu jalai ditengah perengka pengangkut ai, nya alai beguna amat nentuka sungai kitai beresi, ukai semina manah dipeda tang mega pengelikun sida ti betengahka jalai ai,” ku iya.

Richard nyemetak madah, uras baka but undang, daun, reba kayu tau ngeruga pengelikun perengka pengangkut ai kelebih agi kapal mit.

Kenu ku iya, SRB nyiri kunteriktor ninting hari gawa ari pukul 7 pagi nyentuk 5 lemai ngupas sungai bekenaka tiga kapal tunda enggau empat perau panjai.

Foto Twitter : Richard Tajan

“Sida tu ngena kapal tunda ngeraup apat kayu enggau reba ke anyut ngena pukat lalu diengkah ke dalam perau panjai sebedau diangkut ngagai taba muai uras,” ku iya seraya madah, tinda kereja meresi deka dikemaru ninting taun.

Nerang silik, ba sepanjai batang ai, piak SRB ngaga selapat dikena nekul uras ari anyut ke tebing sungai.

“Piak kunteriktor mar muruka uras semak tebing sungai kelebih agi uras ti tepekul di baruh jelatung tauka entara utai tumbuh ba ai.

“Ari selapat sepanjai sungai tu, uras ari ulu deka anyut ngagai benung ai lalu kerereja muruka uras muntang agi dipejalai,” ku iya.

Ba lansa bukai, Pemesai SRB Angga Maga madah 95 peratus ti diempuru di sungai nya datai ari reba utai tumbuh baka daun babas, daun kaun enggau apat kayu, seraya lima peratus uras ke dibuai ari genturung pendiau.

“Napi pemar pengudah musim kemarau enggau pengujan, sungai pulai baka selama tauka manah bah mangka deka nabanka mayuh uras ari ulu sungai baka di Bau, Batu Kitang enggau Serikin,” ku iya nerang.

Ku Angga nambah, sebagi ari atur pejalai standard operasyen (SOP) iya nya kunteriktor patut sikar mutarka penanggul dalam timpuh sejam pengudah nerima ripot pasal sungai Sarawak.

Suara Sarawak