BINTULU: Sukung rayat beguna endar nentuka Gempung Parti Sarawak (GPS) menang besai ba Pengawa Bepilih Mit (PRK) Sitak Kunsil Nengeri (DUN) Jepak kena 4 November tu.
Sapit Menteri Besai ti mega Mandal Yang di-Pertua Kanan Parti Pesaka Bumiputera Bersatu (PBB) Dato Sri Fadillah Yusof madah, bala pengundi meseti nentuka chalun GPS, Iskandar Turkee menang enggau majoriti besai.
Ku iya, enti sema chalun GPS menang besai, dia sada pengari rayat Jepak deka nyarih agi didinga ba DUN ila laban bisi mayuh majoriti.
“Aku mujur dipadu nyadi Sapit Menteri Besai ari sukung rayat Sarawak ti besai endar.
“Sada rayat Sarawak ti nyukung tegut enggau numbuh perintah nengeri nyentuk Perintah Besai begunaka Sarawak laban enti nadai sukung kitai, dia Perintah Penyerakup enda ulih ditumbuh.
“Nya kebuah, semua kita enda tau enda nurun ngundi enggau nentuka GPS menang besai,” ku iya lebuh ngulu Pengerami Makai Lemai Serakup Melanau Bintulu ditu malam tadi.
