JOHANNESBURG: Ngirup susu enggau makai bayam kampung nyadi resia Johanna Mazibuko ngembuan umur panjai.
Indu pemadu tuai ba dunya nya datai ari menua Afrika Selatan mujur ngintu hari pengada diri ke-128 taun.
Pekara nya ngujung ke iya dipadu nyadi orang pemadu tuai ba dunya ti agi idup sereta idup gerai semina napi penanggul enda tentu ninga.
Kebuah pia laban iya agi ulih bejalai mindah kin kia dalam rumah sida taja udah tuai bendar.
Lebuh ngintu hari pengada diri, Mazibuko megai selambar keretas ti mandangka iya ada ba taun 1894.
Taja pen diatu iya makai pemakai moden tang anak tuai ari 12 diri menyadi nya lelengau ke gaya idup rambau agi mit suba.
Ungkup rikod, Mazibuko enggau laki iya, Swatana ngembuan tujuh anak lalu dua anak seduai agi idup, 50 uchu enggau ichit.
