S’wak pemadu nyulut ba TRIZ

KUCHING: Sarawak mujur nempa 1,109 ari 10,053 iku di Malaysia ti udah dilatih, ngembuan penau ba Theory of Inventive Problem (TRIZ) naka taun 2019.

Naib Canselor Universiti Malaysia Sarawak (Unimas) Profesor Datuk Dr Mohamad Kadim Suaidi madahka Sarawak mujur nempa Pengemeran TRIZ pemadu mayuh ba Malaysia.

“Unimas sekali tu meri sukung ngagai MyTRIZ ti ngubah runding bala nembiak belajarka chara berunding sereta mutarka penanggul ti mar ngena chara baru.

“Bisi 200 iku orang ngembuan TRIZ ari tiga buah ejensi iya nya Unimas, Sarawak Energy Berhad (SEB) enggau Tabung Ekonomi Gagasan Anak Bumiputera Sarawak (Tegas) mujur diaku sehari tu (kemari) nunjukka raban tu mujur belajarka TRIZ renggat keterubah ngagai renggat ketiga,” ku iya.

Teks jaku iya dibacha Sapit Mandal Canselor Akedemik Entarabansa Unimas Profesor Dr Ahmad Hatta Rasit rambau Pengerami Anugerah Pentauliahan Pengamal TRIZ ti Keterubah di Borneo ba Unimas ditu, tadi.