Tanjung Manis mali oren nyengkaum 16 pelilih bukai

KUCHING: Pelilih Tanjung Manis udah mali ngagai status oren pengudah ngerikod 23 kes berampit ba timpuh 14 hari ke udah.

Komiti Penyangga Penusah Nengeri (JPBN) Sarawak madahka bisi lima pelilih mali status oren seraya 11 pelilih mengkang ba status mirah.

Pia mega, 16 pelilih mengkang ba status kuning enggau lapan pelilih mengkang ba status gadung. Bisi dua kes pemati dirikodka sehari tu ngujungka kes pemati nambah ngagai 107 iku.

Sarawak sehari tu ngerikod 153 kes baru positif Covid-19 iya nya 40 kes ba Sibu, 33 kes ba Miri, 20 kes ba Kuching, 18 kes ba Bintulu, 11 kes ba Meradong, enam kes ba Marudi enggau lima kes ba Beluru.

Nambahka nya, bela empat kes ba Julau enggau Tanjung Manis, bela tiga kes ba Sarikei, Subis enggau Sri Aman, dua kes ba Samarahan sereta siti kes ba Sebauh ngujungka kes positif nambah ngaga

Suara Sarawak