Teknologi matau pejalai kampar nengah jalai chit

LUBOK ANTU: Perintah Sarawak deka ngena teknologi ngambi matau jalai chit ngambi nagang kampar tama ke menua tu.

Kepala Menteri Datuk Patinggi Abang Johari Tun Openg madahka jalai alun ba Lubok Antu nya semak enggau menua sepiak, Indonesia.

“Ngena ‘scrambler’ pen sida ulih kitu. Nya kebuah kitai deka beratika jalai chit baka Jalai John, Ensawang enggau ke bukai.

“Kitai mega deka bekenaka teknologi ngambi ulih nyidi jalai kampar tama enggau pansut.

“Kelimpah ari nya, pengawa tu mega deka disaup Polis DiRaja Malaysia (PDRM), Raban Soldadu Malaysia (ATM) enggau ejensi bukai laban kitai mesti matau enggau nagang kampar kitu,” ku Abang Johari nyemetak madah.

Abang Johari mansutka jaku nya rambau pejalai nemuai seraya gawa ngagai Lubok Antu, ditu tadi.

Suara Sarawak