ARTIKEL

Tekuyung kerumbui nyamai diempa

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

DIKELALA enggau bemacham nama nitihka sesebengkah menua enggau genturung pendiau siti-siti tauka nyentuk agi dipadah nitih pelilih.

Enti tungga ke Simanggang, tekuyung kerumbui disebut orang ba menua nya kumboi (Melayu) lalu bala Iban dia nyebut iya tekuyung Bo sebaka sebut enggau Saratok.

Nitihka pansik sains, tekuyung kerumbui tu sebansa utai idup ari purih Ampullariidae tauka dikumbai Pomacea Canaliculata.

Tekuyung tu enda tentu milih alai idup tang suah agi dipeda sebelah tanah bepaya, batang kayu enggau rumput kelimpah semina ayan ngiga pemakai maya malam hari.

PALAN EMBAP

Pengajar Resa Billie

Kenu ku Pengajar Resa Billie, tekuyung kerumbui suah dipeda ayan ba endur ke embap baka sebelah madang paku ikan, nisi tebing sungai tauka paya sereta inggap ba rumput.

“Kelimpah ari nya, telu iya ti bechura mirah sereta suah dipeda lekat begupung ba sebelah pun kayu kelimpah suah mega dipeda sida ti bumai betaun ba tanah bepaya tetemuka tekuyung kerumbui enggau telu iya tu,”ku Resa nusui ngagai Ruai, Suara Sarawak.

Pia mega nya, ku Resa isi tekuyung kerumbui tu mega chukup nyamai diempa tunu tauka semina didiang ba api aja.

“Kelimpah ari disumai bemacham chara tekuyung balat dikerinduka mensia mayuh ti rindu nyepi pemakai esotik.

“Numbas penyamai isi tekuyung kerumbui tu, baik nya dibela enggau chara tunu tauka pangang, rebus tauka sumai ‘masak lemak’.

“Isi tekuyung tu asai ngunyah lintan manuk tauka lelita iya nya kekerup.

“Enti ba penemu aku, tekuyung tu chukup nyamai disumai rebus lalu dichal ngena sambal chabi gulai limau,”ku iya.

Nitihka penemu mega tekuyung kerumbui tu manah dikena ngubat sakit kundung.

TELU KERUMBUI…Telu tekuyung kerumbui ti bechura mirah suah dipeda begupung empikap ba daun enggau batang kayu.

 

TELU KERUMBUI…Telu tekuyung kerumbui ti bechura mirah suah dipeda begupung empikap ba daun enggau batang kayu.

 

NYAMAI….Chara makai nyamai diempa techal enggau sambal.

 

TEKUYUNG KERUMBUI

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU