MIRI: Dua deriba enggau penumpang balat bakal, seraya siku da tepekul ba penusah bebadi ngaul siti lori enggau kerita di Jalai Pan Borneo, semak Ladang 3, pagi tadi.

Pengari Balai Bomba enggau Penyah Penusah Sarawak (JPBM) madah, raban sida nerima kangau urung pukul 08.23 pagi sebedau ngesah kia.

“Lebuh datai dia, bisi siti lori kuntina Mitsubishi Fuso dibai siku lelaki enggau siku penumpang, seraya siti kerita bansa Perodua Arus dibai siku lelaki enggau bini iya nyadi penumpang.

“Penusah nyadi di Kilometer 886.1 Jalai Pan Borneo, ngelebus Beluru, di jalai Bintulu-Miri,” ku penerang nya.

Mensia mayuh mujur mansutka deriba lori enggau penumpang kerita Perodua Aruz ti balat bakal sebedau naban ke seduai nya ke Klinik Bekenu, sebedau raban bomba datai.

“Tang siku da ti dalam lori kuntina agi tepekul,” terang iya.

Operasyen ngidup ke tudah dipejalai nyentuk semua teputar lalu operasyen tembu, ke alai pun penusah agi dipansik.