Tinggal enam iku pesakit Covid-19 agi diperubat di Sarawak

KUCHING: Kes positif Covid-19 di Sarawak sehari tu mengkang 557 kes berindik ari nadai kes baru dirikod.

Sapit Kepala Menteri ti mega nyadi Chairman Komiti Penyangga Penusah Ngenyit Nengeri Sarawak (JPBNS) Datuk Amar Douglas Uggah Embas madahka kes baru diripotka suman nambah siti sereta udah dikemendar pansut ari Sepital Besai Sarawak (SGH) tadi.

“Nya lalu ngujungka bisi 534 iku tauka 95.87 peratus udah dikemendar pansut sereta suman ari igi penyakit nya.

“Naka ke diatu, semina enam iku aja agi diperubat ba sepital di selampur nengeri tu,” ku iya.

Uggah madah munyi nya ba aum pemberita pasal Covid-19 di Begunan Dun Lama ditu, lemai tadi.

Nangkan nya ku iya, bisi 18 iku Pesakit Agi Dipatau (PUI) lalu lapan iku agi nganti pemutus ari makmal.

Berebak enggau nya, bisi empat pelilih menua nyengkaum Kuching, Samarahan, Simunjan enggau Bintulu dikategorika zon kuning lalu 36 pelilih menua bukai dikategorika zon gadung.

Suara Sarawak