Restoran Puzzle saji pelbagai menu istimewa pakej bufet Ramadan

TTG Kuching, Miri tembu November 2023

Facebook
Twitter
WhatsApp
Telegram
Email
Datuk Seri Fatimah Abdullah

KUCHING: Palan Transit Orang Kampar (TTG) ba Kuching enggau Miri deka tembu November taun tu dikena nyendiaka palan ngenduh sementara ngagai raban orang kampar ti besemak.

Menteri Pemansang Orang Indu, Anak Mit enggau Pengelantang Raban Bansa, Datuk Sri Hajah Fatimah Abdullah madah, taun tu opis menteri sida deka nyemela pengawa numbuhka tiga buah da TTG.

Ku iya, TTG Kuching, TTG Miri enggau TTG Bintulu deka ditumbuh berindik ari pemujur TTG Sibu ti udah ditumbuh enggau dikena bulan Disember 2021, “TTG Kuching ba Dewan Bandaraya Kuching Utara (DBKU) disadang tembu bulan November 2023 pengudah begunan suwa atas kedai tembu diubah.

“Ba Miri, palan nya deka diintu Kaunsil Mengeri Miri (MPM) ti disadang tembu November 2023 ke alai TTG Bintulu diintu Kaunsil Pemansang Bintulu (BDA) disadang tembu Mei 2025,” ku iya.

Fatimah bejaku munyi nya ba aum pemberita pengudah Aum Komiti Pengatur Orang Kampar Sarawak (JPGS) Bil.1 2023 di Wisma Bapa Malaysia ditu kemari.

Iya madah baru, ungkus ngaga tiga buah TTG tu urung RM7 juta iya nya deka dipejalai nengah Langgur Pemansang Malaysia Lumpar Ke-12 (RMK12).

Taja pia, opis menteri sida ku iya andalka serikat besai baka Samling Timber Sdn Bhd ulih meri bantu ari sukut belanja nengah tanggungpengawa rama koporat (CSR) kelebih agi ba TTG Miri.

“Perintah enggau naka ulih nyaga inklusiviti rayat ngambika nadai siku rayat tinggal ari pemansang enggau pengelantang di menua tu.

“Kami deka ngelanggur mayuh aktiviti rama ngagai raban orang kampar ti diau ba TTG nya awakka sida ulih belajar ngatika diri lebuh udah ulih keluar jemah ila.

“Naka diatu timbal ari mensia mayuh tauka komuniti di Sarawak udah mantaika kelai positif lebuh sida betelefon ngagai opis kami deka meri bantu,” ku iya.

Fatimah udah nya muji TTG Sibu ti udah bejalaika pengawa enggau manah lebuh 15 peratus ari 74 kampar ti ngenduh dia mujur bulih pengawa, ke alai 48 peratus ke bukai volunteer keluar ari TTG naka 1 Febuari 2023.

Ungkup penerang, TTG Sibu semina diuan 14 da orang kampar ti diau ngenduh dia naka diatu.

Berita Berkaitan

E-Paper

22 Mac 2023

Berita Terbaru