KANOWIT: Siku orang tuai beumur 92 taun ti diripotka lenyau pengudah labuh ke dalam sungai lebuh pulai ari kebun ngena perau panjai ba Nanga Lesih Hari Minggu tu tadi ditemu parai lemas pagi tadi.
Palan Operasyen Bomba Sarawak ba sebengkah penerang madah, tubuh niang ditemu raban penyidi enggau penyelamat (SAR) pukul 8.50 pagi penyauh 300 meter ari Pos Patau Bomba semak Rumah Jelani, Bukong, Jagoi ditu.
“Tubuh niang udah dibai ngagai tebing jelatung sungai lalu diserah ngagai polis ungkup atur bukai.
“Operasyen udah diketu pukul 9 pagi lalu kami mupuk ke balai,” ku penerang nya.
Dulu ari, operasyen SAR ba hari ketiga sehari tu dipejalai berengkah pukul 7.30 begulai enggau raban bomba, polis enggau Raban Penyaga Orang Periman (APM).
Operasyen mega disaup peranak dia ngena lima perau panjai ba sepanjai sungai.
