Tujuh anak serikat Petronas deka mayar SST

KUCHING: Petroliam Nasional Berhad (Petronas) udah ngelala tujuh anak serikat iya deka mayar chukai jual (SST) ngagai Perintah Sarawak.

Tujuh anak serikat nya nyengkaum Petronas Carigali Sdn Bhd ti bisi kaul nyual barang bepelasarka petroleum ba Sarawak.

Serikat nya deka direjister nyadi orang ti mayar chukai dibaruh Ordinan Jualan Cukai Negeri 1998 sebedau 15 Ogos.
Kededua piak udah setuju ke alai Gerah Terima udah disain enggau diterima Kort Tinggi Kuching kemari ngambi narit pulai saman nya.

“Lebuh kededua piak setuju narit pulai saman deka dikinsil nitihka enclosure 7, 10, 64 enggau 67 lalu saman tu deka dikinsil enggau belanja ditanggung kededua piak empu,” ku Kepala Akim, Alexander Siew How Wai lebuh bechara.

Perintah Sarawak udah ngasuh mayar chukai lima peratus ba semua produk petroleum bepun bulan Januari 2010 ngambi ngulihka untung saham ari revenue (asil) ungkup Ordinan SST 1998.

Petronas ti puntan mayar chukai nya ngujungka Perintah Sarawak nyaman sida ngambi ngulihka bayar chukai penyampau 1.3 billion nya.

Petronas diarika luyar Andy Tan ti ngarika Alvin Ching seraya Perintah Sarawak diarika Datuk J C Fong, Nur Azhar enggau Voon Yan Sin.

Suara Sarawak