KUCHING: Semua pekara bekaul enggau Sarawak mesti ditan nyadi hak Perintah Sarawak, ku Premier Sarawak Datuk Patinggi Tan Sri Abang Johari Tun Openg.

Ku iya, nya udah tanggung pengawa perintah nentuka manifesto dikeamat nyengkaum ngemeratka rayat Sarawak.

“Lebuh bejaku pasal hak, kami mesti nyaga laban nya udah tanggungpengawa kami.

“Tang ukai reti kitai enda ibuhka nasional lebuh ngetanka utai diempu kitai. Hak kitai, awakka kitai empu nyaga,” ku Abang Johari.

Abang Johari mansutka jaku nya ba Pengerami Ngabang Raban Media Begulai enggau Premier Sarawak di Colosseum 1 & 2, Hotel Pullman, Hari Tiga tu tadi.

Ngelansa silik, iya madahka ketuai semampai beganti lalu nya endang pekara ke nyadi belama,
“Kitai patut udah matih pelapis ke deka ngemudi perintah dudi hari,” ku iya.

Nambahka nya ku iya, ketuai mesti nemu bejalaika tanggung pengawa sereta betatika semua rayat pupu bansa enggau jalai pengarap ba semua pengawa dikereja.

“Enda patut aku terus nyadi Premier dataika tuai, nya alai mesti bisi pelapis ungkup pemaik semua,” ku iya.