Uji mih minyak angi Patt Kanna Perfume

KAPIT: Pengawa bedagang ba sida ke indu ukai agi siti pengawa ke baru ba dunya diatu.
Diak sida ke indu besemekih enggau pangan diri ngulihka penemu ambika pengawa juluk ati diri empu ulih dijapai dudi hari ila.

Siku indu ke gawa ba sebuah bank, Patricia Kana udah mujur ngemansutka produk diri baka minyak angi bekena ke nama diri empu enggau sida sebilik.

Ku iya, Patt Kanna Perfume tu keterubah mansutka perfume berengkah ari pun taun 2018.

Patt Kanna Perfume tu bisi enam iti bansa angi ungkup orang indu iya nya Kumang Sepako,Love Patt,Queen

Lemba,Sweet Kelly,Baby Kerren enggau Elegant CT lalu 5 jenis perfume ungkup orang laki iya nya Keling Sepako, BossJJ, Kanna Man, Fresh Alex enggau Kenny Heart.

LAKU…Entara minyak angi ke dikerindu sida ke laki.

Angi bagi indu ke paling dikerindu orang iya nya Kumang Sepako, Love Patt enggau Sweet Kelly sereta wangi lelaki paling dikerindu mensia mayuh iya nya Boss JJ, Fresh Alex enggau Keling Sepako.

“Nambahke nya, semua nama bagi angi tu diinspirasyen ari nama orang ke mai reti dalam pengidup aku.

Chunto ya baka Queen Lemba digaga ari nama indai aku, Kanna Man di gaga ari nama apai aku , Fresh Alex digaga ari nama laki aku, Sweet Kelly digaga ari nama anak indu aku, Kelly,Baby Kerren digaga ari nama indua ku ke lumur dua iya nya Keren, Kenny Heart mega digaga ari nama anak laki aku,”

“Pia mega, Boss JJ digaga ari nama jaku‘Bossku’ ke benung dipejaku orang mayuh diatu diatu enggau Elegant CT & Love Patt diambi ari nama aku empu,”

“Aku bisi dua iti special edition perfume ianya Keling Sepako & Kumang Sepako.

PRODUK NAMA DIRI… Patricia udah mujur ngasilka produk ari nama iya empu.

Sepako tok adalah menua penatai asal aku Sepako, Majau.Tuju aku ka ngaga perfume tok laban aku ka ngaga perfume ke ulih mai imej kitai bansa iban,”

Kelimpah ari nya, Patt Kanna Perfume bisi mansutke produk angi kerita.

“Diatu kami bisi ngeluarka semilan iti jenis angi kerita.Ya ke paling dikerindu ke orang iya nya, Orange blossom, Sweet Cherry, Fresh Flower, Dewberry, Peony Bloom, Forbidden Daisy, Dazzle Blue, Sea Crystal,” ku Patricia

Sida iya mega bisi nyual tiga saiz ti bebida baka 35ml dijual ngau rega RM70.00, 15ml dijual ngau rega RM49.90 sereta 12ml dijual ngau rega RM39.90 lalu semina ulih ngeluar ke saiz 35ml ngau 15ml aja laban bisi penanggul enggau stok ba kilang.

Lebuh ditanya pemberita Ruai Suara Sarawak dia iya chukup temegah ati laban utai dijuluk udah nyadi nyata.

Sebedau iya ngeluar ke minyak wangi tu ba taun 2018, sepengalama setaun endur ngentap ke diri nyadi orang ti bedagang.

“Sebedau tu aku bisi ngau kursus bisnes sereta tama program Agro Biz Challenge kena nambah ke ilmu ba dagang,”

“Nuju bala indu bukai ke bisi minat ba enggau dagang anang takut nguji, enda ngawa kitai mupuk ari baruh dulu. Aku perchaya setiap indu bisi pengelandik enggau minat kediri empu baka ngaga kuih ngau kek, ngaga asil pengelandik jari sereta mayuh agik pengelandik ke bukai. Ke paling penting anang leju ngiga penemu,”

“Naka ke diatu kami apin bedau chukup ejen ba semua endur kelebih agi ba Sarawak lalu aku ngarapka dudi ari ila ejen ari semua endur ulih nambah agi.

Pia mega ngagai kita ka nemu ejen Patt Kanna Perfume tau ngiga Elizz Robert 013-4538837(Kapit), Monica tauka Indai Mayrea Adreena 011-31753467 (Kapit), Roslynn tauka Christovlyn Shivvat 013-8062594 (Kapit), Josephine Jati 014-6408433 (Kapit), Julita Lansau 019-8230610 (Sibu), Irene Matthew 013-5374772 (Sibu), Rennie 014-2088419 (Bintulu) enggau Emelda 017-8508081 (Belaga),”

“Ngagai sapa ke bisi ati ka meli produk Patt Kanna Perfume tauka bisi ati deka nyadi ejen tauka ‘dropship’ betelefon nuju 013-6506806.

Enti ka meli perfume mega ulih terus betelefon ngagai ejen baka disebut ku tadi.

Penerang silik ulih dipeda ba Facebook Triple K Enterprise sereta instagram patt kanna perfume,”ku iya
Enda lama agi dia produk baka enselup ‘lipgloss’ mega deka dipansut ujung bulan tu.