SARIKEI: Penyikar raban bomba mujur nangkap siku ular tinchin ti belalai dalam injin kerita di Jalai Nanas ditu tadi.
Ketuai Balai Bomba enggau Penyah Penusah Sarikei, Mahmudin Narudin madah, raban sida berumban ngesah ngagai endur penusah nyadi pengudah nerima kangau ngenyit urung pukul12.29 tengahari.
Ku iya, sida napi pemar laban ular nya belalai ba selepak injin sebedau ditangkap.
“kami enda ngenggaika ular nya tu belalai dalam injin kerita laban lapar tauka ngiga endur diau,” ku iya.
Nya alai, iya ngelalau mensia mayuh seruran bejimat laban indu utai tauka jelu bisa tau datai sebarang maya enggau endur.
Ambika chunto baka kala, manyi enggau ular ti suah niki ke rumah kelebih agi maya hari ujan.
“Jelu bisa baka tu ukai semina tau ngasuh kitai bakal tang ulih nabanka nyawa,” terang iya.
