KAPIT: Raban nembiak Palan Pelajar Tinggi (IPT) ke udah dipasang gelang jari digital dilalau seruran ngena gelang nya sereta anang ngasuh iya lenyau ngapa.
Kebuah pia, nyema gelang nya lenyau sida ulih diukum RM1000 enggau dijil pengelama enam bulan.
“Barang sapa ke ditemu nadai ngena gelang jari digital tu, sida ukai nembiak IPT.
“Kelimpah ari nya, nembiak ke ditemu ngelenyauka gelang jari digital nya sebedau timpuh ngena abis, sida deka diukum RM1,000 tauka jil pengelama enam bulan,” ku penerang ke dipansutkaKomiti Penyangga Penusah Ngenyit Nengeri (JPBN) Kapit, tadi.
Bisi 138 iku nembiak Institusyen Pelajar Tinggi (IPT) udah disadang deka mulaika diri ngagai Bagi Menua Kapit.
Tu nyengkaum 15 iku peranak Song, Kapit (92), enggau 31 iku peranak Belaga.
Nitihka penerang ari semua nembiak ke mulaika diri nya dipasang siti gelang hari digital khas ti ngembuan GPS enggau penerang nembiak nya ba jari sida.
Berebak enggau nya, JPBN Kapit madahka dua buah ekspres khas diungkup dikena mai sida ke datai ari Sibu ngagai Kapit ngambika ulih diperesa pengerai.
Naka tu, nadai transit di Song lalu sida ke di Belaga deka ngetu di Bintulu.
Berita penuh dalam Suara Sarawak pagila.
