KUCHING: Komiti Penyangga Pemusah Ngenyit Nengeri Sarawak (JPBNS) ngemendarka pengawa miring sereta adat lama ke bukai lebuh ngintu pengerami Gawai Dayak.

Sapit Kepala Menteri ti mega nyadi Chairman JPBNS Datuk Amar Douglas Uggah Embas madah, jaku madahka sida nagang adat lama dikereja lebuh ngintu Gawai Dayak siti pekara ti bula.

“JPBNS semina enda ngemendarka pengawa ngabang gawai ari siti rumah ngagai rumah bukai tauka ari siti rumah panjai ngagai rumah panjai ke bukai.

“Pengerami Gawai Dayak mega semina ulih diintu sehari aja,” ku iya madah nyemetak.

Uggah madah munyi nya ba aum pemberita di Begunan Dun Lama ditu tadi.