Wang ari Arab, chara nguji nutup kes 1MDB

KUALA LUMPUR: Ex-Menteri Besai Datuk Seri Najib Tun Razak enggau siku orang dagang ti benung digiga Jho Low didawa nguji nutup penyalah bekaul 1Malaysian Development Berhad (1MDB) ari majak tebantai, nengah chara ngaga dokumen tiru ti mandangka Najib nerima wang ari siku orang Arab.

Pendawa Raya Kanan Datuk Seri Gopal Sri Ram nengah penerang muka bechara madah pengudah penyalah 1MDB dibantai kena pun bulan Julai 2015, orang ke dituduh begulai enggau kelemayang iya, Jho Low ngereja ulah nya dikena nyeliahka but sida tebantai.

Ku iya, dokumen nya digaga dikena mandangka wang nya asil pemeri ari siku Anak Raja Arab.

“Entara nya bisi surat enggau empat iti chek ngundan penyampau AS$25 juta ke dipadah ditulis siku orang ke dikumbai pemeri wang ari Arab,” ku iya.

Nya alai, Sri Ram madah, pengawa bedawa deka mandangka penerang pasal orang ke dituduh chakah bejalaika pengawa dikena nyeliah diri dibai bechara.

“Tambah mega orang ke dituduh ngachau pengawa pansik bekaul enggau kes ke dikumbai penyalah 1MDB.

Bekau ari nya, orang ke dituduh chakah ngereja pengawa ti ulih ngeruga enggau nutup iya ari penyalah nya.

Piak pedawa sigi bepanggai ngagai semua bukti tu ti mandangka orang ke dituduh ngembuan niat ngereja penyalah nya,” ku iya.

Sekeda rintai pejalai kes 1MDB

2014

12 Disember
Ex-ketuai UMNO Datuk Khairuddin Abu Hassan ngaga ripot polis bekaul 1MDB.

2015

1 Mac
PetroSaudi International bebula pasal ripot dawa semua wang ke diagih ngagai 1MDB diberi ngagai serikat nya.

6 Mac
Tim khas ditumbuh mansik dawa salah guna belanja 1MDB.

19 Mei
Komiti Pekara Wang Menua (PAC) ngepunka pengawa pansik.

25 Mei
Opis Menteri Wang ngangauka dua firma audit 1MDB.

3 Jun
Bank Negara Malaysia (BNM) berengkah mansik kes 1MDB.

3 Julai
The Wall Street Journal enggau Sarawak Report mantaika ripot dawa belanja 1MDB dipindah ngagai akaun Menteri Besai Datuk Seri Najib Razak.

4 Julai
Tan Sri Abdul Gani Patail madah piak bekuasa kena 3 Julai mansik opis tiga serikat ke bisi kaul enggau pengawa dawa mindahka belanja ngagai akaun Menteri Besai enggau ngulihka dokumen.

Pengawa datai ngenyit ngagai SRC International Sdn Bhd, Gandingan Mentari Sdn Bhd enggau Ihsan Perdana Sdn Bhd dipejalai raban pemansik ari tim komiti khas.

22 Julai
Polis Singapura nyekat dua akaun bekaul 1MDB

28 Julai
Servis Abdul Gani nyadi Luyar Menua diketu bepun 27 Julai 2015 ketegal penanggul pengerai, nitihku penerang ari Sekretari Menua Tan Sri Dr Ali Hamsa.

Tan Sri Mohamed Apandi Ali dipadu nyadi Luyar Menua berengkah ba haribulan ke sama.

29 Julai
Lima iku kaban pengari ngatika diri ditumbuh dipatau SPRM.

30 Julai
SPRM bebulaka pemesai kanan bisi kaul enggau gempung nguji ngelabuhka perintah.

1 Ogos
Polis menahan tiga individu bagi siasatan berhubung skandal rasuah 1MDB.

3 Ogos
SPRM madah belanja RM2.6 bilion ke didawa dipasuk ngagai akaun Najib endang belanja pemeri orang lalu ukai ari 1MDB.

5 Ogos
Ketuai SPRM mya nya Tan Sri Abu Kassim Mohamed dikenuku kemisi seminggu.

Mua ke lemai, SPRM mansutka penerang madahka piak sida deka minta Najib meri penerang pasal belanja RM 2.6 bilion ba dalam akaun iya.

SPRM mega mantaika orang ke meri belanja nya datai ari adap menua Timur Tengah, tang nadai madahka penerang silik orang ke meri belanja.

Isu SRC International mungkur belanja RM4 bilion mega agi dipansik ejensi nya lalu nya endang pansik ke bebida enggau belanja RM2.6 bilion.

7 Ogos
Dua pemesai kanan SPRM diasuh pansut ari bejalaika kes besai.

Direktor Operasyen Khas SPRM Datuk Bahri Mohamad Zin enggau Direktor Komunikasyen Strategik SPRM Datuk Rozaid Yaakob dipindah ngagai JPM.

14 Ogos
Luyar Menua Switzerland madahka kes bechara penyalah dibuka ungkup kes 1MDB.

9 Oktober
BNM merambu bechara kes penyalah bekaul 1MDB ungkup Opis Luyar Menua laban ‘penerang enda nyemetak’ bekau betingkah enggau Akta Kawalan Pertukaran Wang (ECA) 1953

13 Oktober
Luyar Menua maya nya Tan Sri Apandi Ali nutup kes pansik BNM ngagai 1MDB ketegal nadai bukti baru dibantaika BNM.

KES 1MDB…Najib pansut ari kort pengudah bechara bekaul enggau penyalah 1MDB.

2016

30 Januari

Luyar Menua Switzerland Michael Lauber minta bantu Malaysia bekaul pansik dawa salah guna AS$ 4 billion bekaul 1MDB

23 Mac
BNM deka atur diterit bekaul 1MDB laban puntan nganjung dokumen bukti kenyau Oktober

2015

7 April

PAC mantaika ripot pansik ba Aum Parlimen ti mandangka bisi penyalah salah guna dalam 1MDB.

PAC mega mantaika pemesai ke patut dipansik iya nya ex-Ketuai Pemesai Eksekutif 1MDB Datuk Shahrol Azral Ibrahim Halmi

20 Julai
Luyar Menua Amerika Syarikat (AS) Loretta Lynch sereta Opis Akim AS (DOJ) mantaika saman sivil ngerampas reta 1MDB beungkus AS$ 1 billion.

21 Julai
DOJ minta ngerampas 17 reta nyengkaum keresa ke berega.

2017

5 Januari

Menijar pampang Falcon Private Bank, Jens Fred Sturzenegger didawa bekaul pansik Singapura bekaul 1MDB.

31 Oktober
Luyar Menua maya nya Tan Sri Apandi Ali ngasuh polis ngaga pansik silik bekaul 1MDB.

2018

28 Februari
Indonesia ngerampas sebuah kapal besai di Balike benung digiga DOJ nyadi sebagi ari pansik 1MDB

15 – 16 Mei
Polis datai ngenyit ngagai rumah Datuk Seri Najib Tun Razak di Jalai Langgak Duta lalu ngerampas sekeda dokumen

17 Mei
Polis datai ngenyit ngagai tiga unit kondominium ti bisi kaul enggau Najib sereta ngerampas kutak ngundan barang berega sereta duit.

21 Mei
Perintah madahka penumbuh komiti khas mansik 1MDB.

22 Mei
Najib meri penerang ngagai SPRM bekaul SRC International pengelama lebih 4 jam

24 Mei
Najib meri penerang ngagai SPRM ungkup renggat kedua bekaul SRC International

5 Jun
Isteri Najib, Datin Seri Rosmah Mansor dikangau meri penerang ngagai SPRM bekaul kes SRC International

7 Jun
SPRM mansutka waran tangkap ngagai ex-Penyanding Penemu Khas 1MDB, Low Taek Jho tauka Jho Low enggau Direktor Pengatur Pengawa SRC International Nik Faisal Ariff Kamil Nik Othman.

11 Jun
Urung 40 buah beg sandik mar mayuh bengkah chap dirampas maya datai ngenyit ngagai sebuah ari dua kuarters perintah ba Presint 10, Putrajaya bekaul pansik 1MDB.

27 Jun
Direktor Opis Pansik Penyalah Komersial Bukit Aman Datuk Seri Amar Singh mantaika penyampau dirampas ari rumah Najib dipelabaka entara RM900 juta ngagai RM1.1 billion.

29 Jun
Sida Najib sebilik diripotka udah ngepunka bechara nengah undang-undang ngulihka baru barang ke udah dirampas. Sida sebilik bedawa barang ke dirampas kebendar perais diterima ari ruang bilik orang kaya di menua luar nyengkaum orang kaya Diraja, dalam mayuh bengkah pengerami.

3 Julai
Najib ditan SPRM ba rumah iya ba Jalai Langgak Duta urung pukul 2.35 lemai.

4 Julai
Najib napi tuduh ba Kort Kuala Lumpur.

2019

19 Ogos

Pengawa becharak kes 1Malaysia Development Berhad (1MDB) bekaul salah guna kuasa enggau ngaga duit tiru ke ditapi Datuk Seri Najib Razak dilanjar ngagai Hari Satu minggu baru.

Kebuah Akim Kort Tinggi, Collin Lawrence Sequerah, netapka 26 Ogos tu bechara awakka kes SRC International Sdn Bhd ulih diputarka dulu.

29 Ogos

Pengawa becharaka kes besai ke dianti-anti,1MDB ti bekaul enggau Datuk Seri Najib Razak, bepun sehari tu lalu piak pedawa dipelaba ngangau enam saksi.

Sebedau tu, Akim Sequerah netapka 19 ngagai 29 Ogos; sepanjai bulan September enggau Oktober enda nyengkaum Hari Lima; enggau dua minggu keterubah ba bulan November endur mendingka pengawa becharaka kes 1MDB.