MIAMI: Siku indu menua Amerika Syarikat ti ngembuan peninggi 71 sentimeter diaku nyadi indu pemadu pandak ba dunya.
Wildine Aumoithe, 19, empai lama mujur menggi gelar nya pengudah diaku ba Rikod Dunya Guinness.
Iya napi penanggul penyakit mit ti dikumbai dysplasia SADDAN ti jarang amat nyadi.
Sebedau tu, apai indai iya ngumbai iya enda ulih idup lama ba timpuh 24 jam pengudah ada ketegal ditepan penyakit nya.
Taja pen napi penanggul nya tang Wildine madahka diri berasai gaga sereta temegah ati lebuh nerima gelar nya.
“Aku meh peranak Haiti-Amerika keterubah bulih rikod nya lalu aku majak tebilang kelimpah ulih idup baka orang bukai,” ku iya.
Iya ngaku pengurang nya enda nanggul iya ngereja semua pengawa baka orang bukai.
