ARTIKEL

Punaska Aedes! Nadai Aedes, Nadai Denggi!

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

Skuad Patrol Denggi SSeMS

BAU: Skuad Patrol Denggi Sekula Seni Malaysia Sarawak (SSeMS) mujur ngatur program beripai di Kampung Bogag, Bau apin lama ke udah.

Program diatur sehari nyentuk nya ngaul kerejasama rat peranak dia enggau genturung pendiau besemak sereta bala komuniti bukai nyengkaum bala nembiak enggau pengajar ari SSeMS.

Kaban Parlimen (MP) Mas Gading Mordi Bimol udah dipebasa bejadika atur program disempulang bala kaban ari palan servis komuniti ke bukai.

Mordi muji inisiatif dipejalaika skuad nya besaup nyaga pemeresi rampa menua sereta ngemunaska igi penyakit denggi ti dibai nyamuk Aedes.

KENANG RAMA… Skuad Patrol Denggi SSeMS begambar ungkup kenang begulai enggau bala komuniti di Kampung Bogag, Bau rambau program beripai.

Ku Mordi, pengawa baka tu endang patut diterenak ngagai bala nembiak seraya meri penyedar ngagai bala komuniti pemesai guna nyaga pemeresi kandang ngelingi genturung pendiau dikena nyamin pengerai enggau pengidup ti lantang.

Pekara tu beguna amat dikena kitai matih enggau nyeridi rebak baru ti taluk sereta siruka rampa menua enggau nyaga pengerai ari igi penyakit ti ulih dipunas, ku Mordi madah nyemetak.

Berebak enggau nya, bemacham atur aktiviti ngisi program baka beripai ngupas kandang ngelingi ngelingi genturung pendiau nyengkaum pengawa nebas babas, muai uras, ensiang parit sereta mantun rumput ba bakut bungai.

Pekit ngelinsu berambaika jaku ‘Nagang Denggi’ ungkup nembiak mit di Tadika Kemas Kampung Bogag mega bisi diatur lalu udah nerima timbal manah amat.

Pengawa nyadung poster ari rumah ke rumah ke bisi di genturung pendiau nya mega bisi diatur kelimpah aktiviti bepengerai bukai.

KEREJASAMA… Mordi (dua kiba) bisi datai meri sukung ngagai pejalai program beripai ngemunaska Aedes di Kampung Bogag, Bau diatur Skuad Patrol Denggi SSeMS.

Skuad SSeMS meri tabi puji sereta terima kasih besai ngagai Mordi, raban Opis Pengerejista Bansa (JPN) Sarawak, peranak Kampung Bogag, Bau, Sarawak sereta pengajar SSeMS ti udah kiruh sereta ngelimpangka awak diri ngulu program nya.

Nengah program tu, bala nembiak dibai ngelala enggau bebasakan rampa menua sereta siruka tanggam kaul begulai enggau komuniti kelimpah ulih ngiri penemu enggau ngasaika peneleba baru.

Nitih ku penerang, skuad tu mega udah ngatur pejalai ngelawa Radio Televisyen Malaysia (RTM) ngemujurka tuju pengawa naburka penerang pasal kimpin ‘Punaska Aedes! Nadai Aedes, Nadai Denggi!’ nengah media penabur.

Sida mega ngarapka program baka tu ulih ditampung dudi hari pulaika pemaik semua raban dikaul.

UNGKUP PENGERAI… Skuad Patrol Denggi SSeMS begulai enggau peranak Kampung Bogag beripai ngupas kandang ngelingi genturung pendiau nya.

BERITA LAIN

Sibu tuai rumah Sarawak Agrofest 2025

BINTULU: Sibu udah dipilih nyadi tuai rumah Sarawak Agrofest ba taun baru. Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi

88 chalun STPM Sarawak bullh PNGK 4.0

INDUN SILONGsuarasarawak.sv@gmail.com KUCHING: Nengeri Sarawak ngerikod Purata Nilai Gred (PNGK) pemutus peresa Sijil Tinggi Persekolahan Malaysia (STPM) 2023 penyampau 2.69 enti dibanding PNGK STPM 2022

Sarawak ngerikod PNGK 2.69 ba peresa STPM 2023

KUCHING: Pemutus peresa Sijil Tinggi Persekolahan Malaysia (STPM) 2023 Sarawak ngerikod ‘Purata Nilai Gred Keseluruhan’ (PNGK) 2.69. Pemutus nya kusut ari taun 2022, iya nya

BERITA TERBARU