JDRPN: Penemu rayat rumah panjai diguna

KUCHING: Komiti Polisi Rumah Panjai Menua (JDRPN) deka dipejalai pengudah bulan June tauka pengudah Pengerami Gawai Dayak taun tu.

Chairman JDRPN Ali Biju madahka polisi nya diatu agi ba renggat dilanggur.

“Polisi nya bedau dipejalai laban kitai deka berunding sereta minta sanding penemu ari semua piak kelebih agi piak bekaul baka peranak rumah panjai empu enggau komuniti ti agi ngemeranka daya idup rumah panjai.

“Tu perambu ti udah digaga Perintah Besai lalu apin kala dipejalai sebedau tu,” terang Ali.

Iya mansutka jaku nya lebuh dirandau pemberita ba Randau RTM Begulai enggau Bakih Sinergi ba Auditorium Kecil RTM ditu tadi

Terang Ali, tuju Perintah Besai numbuhka DRPN nyadi sebagi ari inisiatif mantu peranak rumah panjai terus ngagai renggat baruh.

“kitai deka mantaika polisi ke chukup manah kelebih agi ari sukut pengidup ba rumah panjai, pengelikun, pematut enggau gaya pendiau rumah panjai.

Suara Sarawak