ARTIKEL

1 June deka digazet

Facebook
Twitter
LinkedIn
WhatsApp
Telegram

KUCHING: Peminta sekeda gerempung Dayak ti deka 1 June digazet nyadi hari besai di Malaysia deka dirandau.

Sapit Premier Sarawak ti mega Penyanding Penemu Komiti Pengerami Gawai Dayak 2023, Datuk Amar Douglas Uggah Embas semina ngelansa pandak pekara nya deka dikerandau lebuh ditanya pemberita pengudah bejadika Bazar Gawai Dayak 2023 ba padang Majlis Bandaraya Kuching Selatan (MBKS) ditu, malam ensanus.

Taja pia, iya nadai madah nyemetak pekara tu deka dirandau enggau sapa tauka dirandau ba dini.

Nangkan nya, Kaban Parlimen Puncak Borneo Datuk Willie Mongin madahka diri setuju enggau perambu nya laban ku iya bisi anak Sarawak ti diau ba Semenanjung deka betemu enggau diri sebilik ba Sarawak maya Pengerami Gawai Dayak.

“Nyema pekara tu diperambu ari gerempung ukai dikuasa perintah (NGO), lalu nyema pekara nya diangkat ke renggat kabinet enggau perintah, aku deka meri sukung penuh.

“Tu deka ngemuntang enggau ngelantang ati rayat kitai.

“Aku nemu di Sarawak kitai kemisi tang di Semenanjung nadai kemisi, nya nyadi penanggul ngagai sekeda rayat kitai din,” ku iya.

Baca lain  Program Rumah Spektra Mutiara mantu rayat berumah ba tanah diri

Ku iya, nyema perambu nya dibantai nyemetak agi, iya ulih mai perambu tu ba Parlimen.

“Aku deka betemu enggau perintah lalu merambu ngambi 1 June nya digazet nyadi hari besai menua ulih diperunding,” ku iya.

Dulu ari nya, sekeda gerempung NGO minta 1 June ungkup Hari Gawai Dayak ba Sarawak enggau 31 Mei ungkup Hari Kaamatan ba Sabah digazet nyadi hari besai ba selampur Malaysia.

Ku sida, pekara tu patut diperati perintah lalu patut digazet nyadi hari besai menua awak ulih dikena taun baru.

Sekeda NGO ti mantaika perambu tu iya nya Gerempung Pemikir Dayak Sarawak (DTTAS), Kongress Nasional Dayak (DNC), Gerempung Iban Sarawak (PAIS), Serakup Hak Pemun Orang Asal Sarawak (SCRIPS), Serakup Dayak Iban Sarawak (SADIA), Gerempung Terabai Menua (TM), Raban Bansa Selako enggau Rara Sarawak (PERASA) enggau Gerempung Kaul Tanah Hak Adat Bansa Asal Sarawak (TAHABAS).

BERITA LAIN

BERITA TERBARU

Cipta rekod tanam pokok sejuta sehari

GEORGE TOWN: Pulau Pinang mencipta sejarah tersendiri apabila menerima pengiktirafan Malaysia Book of Records (MBOR) bagi Penanaman Satu Juta Pokok Dalam Sehari Sempena Hari Bumi

Portal AI bantu lawan scam, tangkis berita fitnah

PUTRAJAYA: Sebuah portal yang memanfaatkan kecerdasan buatan (AI) akan diwujudkan, untuk membantu rakyat mengesahkan maklumat yang diterima, menangkis berita fitnah serta melawan penipuan atau scam,