ARTIKEL

Leftenan Jeneral Datuk Mohd Sofi Mohd Lepi (kiba) nyerah skrol ti ngundang 10 rintai program ti deka diatur beserimbai enggau genap 10 taun PMTTD.

10 program diatur ngintu genap 10 taun markas soldadu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KOTA SAMARAHAN: Markas Pemerintahan Medan Timur Tentera Darat (PMTTD) deka ngatur 10 program beserimbai enggau genap 10 taun PMTTD.

Panglima Medan Timur Tentera Darat, Leftenan Jeneral Datuk Mohd Sofi Mohd Lepi, madah program ti udah ditusun sepemanjai taun tu dikena ngenang baru 10 taun PMTTD.

Kelimpah ari nya, ku iya, PMTTD mega ngena rambai jaku ‘Sedekad Bersama Kedaulatan Terpelihara’ sepemanjai taun tu dikena ngerami 10 taun PMTTD.

“Aku mega deka mai semua raban Medan Timur Tentera Darat begulai enggau aku semampai ngemeran integriti lebuh ngereja bemacham pengawa ti diterima.

“Meseti dikeingat, pengering kitai seharitu iya nya nengah kaul tegut enggau pangan diri.

“Anang ngembuan runding ti enda manah enggau pangan diri lalu anang ngerusak organisasyen ti udah ditempa tegap ngelama tu,” ku iya bejaku beserimbai enggau Pengawa Ngelanchar 10 Taun PMTTD di Markas PMTTD ditu, kemari.

Berebak enggau nya, Sofi mai semua raban Medan Timur Tentera Darat terus seati bejalaika pangku pengawa ti udah diberi rayat enggau menua.

Ku iya, nya nentuka pengelikun enggau pengelantang ti diasaika diatu diteruska belama iya nipak ke rambai jaku ‘Teguh Siaga’. 

Dulu ari nya, Sofi nyerah skrol ti ngundan 10 rintai program ti diperambu diatur beserimbai enggau genap 10 taun PMTTD.

Panglima 1 Divisyen, Mejar Jeneral Datuk Mohamed Fauzi Kamis sereta Panglima 5 Divisyen Sabah, Mejar Jeneral Datuk Malek Razak Sulaiman, mega bisi datai.

Program ti diperambu mungkur Pengawa Ngelanchar Genap Taun Ke-10 PMTTD di Balai Mayuh Guna Kem Muara Tuang, Kuching, Sarawak kena 26 Februari, Majlis Bacaan Yassin dan Tahlil ba Masjid Sollahudin Al-Ayubbi, Kem Penrissen, Kuching, Sarawak kena 31 March, Pengawa Bebaris Hari Ngintu Genap Taun PMTTD Ke-10 di Padang Kawad Kem Muara Tuang, Kuching, Sarawak kena 6 Mei, sereta Penemuai Nyaga Pengelantang ngagai raban soldadu enggau sida sebilik berebak di Sarawak enggau Sabah kena 11 Mei.

Bisi mega diatur Pengerami Makai Lemai Pegawai Rejimen kena 18 Mei enggau Pengerami Makai Lemai Pegawai Rejimen Ukai Tauliah Kanan kena 29 June, Forum Perdana di Kem Muara Tuang kena 6 June, Program Meri Darah di semua renggat formasi enggau raban kena 13 Julai, Program Jiwa Murni di semua renggat formasi enggau raban kena 13 Julai, Hari Interaksi Begulai enggau Ejensi Perintah di Kuching, Sarawak kena 24 September lalu di Kota Kinabalu, Sabah kena 28 September, sereta Hari Begulai enggau Media di Kuching, Sarawak kena 19 Oktober enggau di Kota Kinabalu, Sabah kena 26 Oktober. 

Bisi mega pengawa ngelanchar lambang rasmi beserimbai enggau 10 taun penumbuh PMTTD ari buah penemu Panglima Medan Timur Tentera Darat ke alai lambang rasmi nya nandaka penyikap Soldadu Darat nyaga pengelikun menua di Sarawak enggau Sabah.

Pengawa bebaris kemari digulu empat detasmen mungkur 265 raban pegawai enggau pangkat bukai betuaika Pegawai Memerintah Batalion Ke-13 Rejimen Askar Melayu Diraja (13 RAMD), Leftenan Kolonel Syahrulniza Jamil.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

RM35,000 untuk ganti paip graviti lama

PAKAN: Sejumlah RM35,000 telah diperuntukkan kepada Sekolah Kebangsaan (SK) Ulu Entaih bagi membeli dan menggantikan batang paip graviti lama sekolah tersebut untuk kegunaan seharian mereka.