10 sekula, dua klinik ampuh bah

KUCHING: Bisi 10 buah sekula enggau dua klinik ampuh bah naka pukul 10 pagi tu.

Taja pia, Pengari Sekretari Komiti Penyangga Penusah Ngenyit Nengeri (JPBN), Mejar Ismail Mahedin madah nadai palan pengentap sementara disedia.

Ku iya, entara sepuluh sekula iya nya SK Uma Sambop, Kapit, SK Long Jegan, SK Long Panai, SK Long Ikang, SK Long Teru, SK Long Loyang, SK Kuala Bok, SK Benawa, SK Kuala Tutoh enggau SK Sg Bain.

“Klinik Pengerai Long Teru enggau Klinik Pengerai Ulu Teru mega tejanggal operasyen ketegal penusah tu.

“Berindik ari nya, tikas penalam ai udah ba kategori enda likun ba Sungai Basin, Miri enggau 3.11 meter penalam udah dikeluar tang nunjukka tikas ai majak nurun,” ku iya nerang tadi.

Suara Sarawak