ARTIKEL

TERIMA KASIH… Azman (tiga kiba) nyuaka tepa ngagai penagri ejensi bekaul seraya dikemata (ari kiba) Zulkipli, Mancha enggau Tiang

1,306 kes penyalah siber dirikod

Facebook
Twitter
LinkedIn
WhatsApp
Telegram

SIBU: Bisi 1,306 kes penyalah siber udah dirikodka ba menua tu ari timpuh 1 Januari ngagai 31 Julai tu tadi.

Kepala Polis Sarawak, Datuk Mohd Azman Ahmad Sapri madah, penyampau nya diambi ari data ti dirikodka Opis Pansik Penyalah Komersil (JSJK) Indu Opis Polis Kontinjen Sarawak ti nunjukka kes nipu online ba Sarawak nambah.

“Sarawak udah ngerikod kes nambah penyampau 145 kes tauka 12.49 peratus dibanding 1,161 kes ba taun 2022.

“Pengerugi penyalah komersil online ba timpuh nya penyampau RM49.3 juta ungkup taun 2023 dibanding RM24.7 juta ungkup timpuh sebaka ba taun 20222 iya nya nambah RM24.6 juta tauka 99.56 peratus,” ku iya.

Azman mansutka jaku nya ba Townhall diatur Indu Opis Polis Pelilih (IPD) Sibu di Universiti Teknologi Sarawak (UTS), ditu kemari.

Townhall ti berandau pekara bekaul munas enggau tips nipu online pengelama sehari nya udah dipenyadi Sapit Menteri Pengerai Mensia Mayuh, Pengawa Berumah enggau Perintah Lokal ke mega ADUN Pelawan, Michael Tiang Ming Tee.

Baca lain  Dagang kraf Louis ngerembai nengah pelasar Ekonomi Digital

Ku iya agi, kes penyalah komersil online udah nipu mayuh orang di Sarawak sereta mayuh pengerugi ditapi ketegal penyalah nya.

Terang iya, kes nya nyengkaum E-Dagang ngerikod 350 kes enggau pengerugi RM2.8 juta, diberi kereja penyampau 186 kes enggau pengerugi RM6.1 juta, jali bula bisi 175 kes enggau rugi 1.2 juta, ‘phone scam’ ngerikod 145 kes enggau pengerugi RM10.1 juta sereta pengawa beranakka puku ngerikod 113 kes enggau pengerugi RM15.1 juta.

Iya nyemetak madah, inisiatif meruan JSJK Sarawak dikena nagang penyalah komersil mujur nangkap 345 kes ba taun 2023 ke alai 553 iku udah dituduh ba kort nyengkaum ari kes taun ke udah.

Ku Azman, pengawa nuduh nya mungkur 538 keretas pansik enggau 750 tuduh tauka 41.19 peratus.

Nangkan nya, Azman madah, program nya diatur IPD Sibu ngambi ngenyemak kaul entara polis enggau komuniti dikena nagang penyalah siber.

“Tu mega pelasar minta sadang penemu ari komuniti sereta berandau isu penyalah rama.

Baca lain  Berjalan sejauh lima kilometer demi ilmu

“Batang tuju program kitai sekali tu bekaul penyalah siber kelebih agi ‘scammer’ enggau chara nyeliahka diri ari kena panjuk,” ku iya.

Ba randau nya, Azman mega meri penemu ti meri pemaik ngagai komuniti ngambi bejimat ngadu pengawa kelebih agi bekaul pekara wang. Tu mega randau dikena ngiga chara mutarka pekara nya,” ku iya.

BERITA LAIN

Raban KMKK meseti regas gawa

BINTULU: Sida ti dichiri nyadi tuai komuniti enggau tuai raban bansa (KMKK) patut chakah agi bejalaika pangku pengawa sida dikena nentu raban nya ulih ngesan

BERITA TERBARU

Hutan jadi sumber ekonomi utama

KUCHING: Jabatan Hutan Sarawak mengambil satu lagi langkah penting ke arah memperkukuh inisiatif karbon hutan di Sarawak dengan menandatangani Surat Persefahaman (LOU) dengan Universiti Sains