SINGAPURA: Singapore madahka bisi 214 kes baru Covid-19 ba timpuh 24 jam ngujungka diatu manggai 40,818 kes.
Semina tiga kes dalam komuniti enggau sekeda ngaul pengereja luar ti diau bal us, pia ku Opis Menteri Pengerai (MOH) republic nya ba sebengkah penerang ditu.
Nitihka data dikeluarka lemai kemari, Singapore ngerintaika 1,796 kes kena rampit ari komuniti, 581 kes import enggau 38,227 kes agi ngaul pengereja luar diau ba lus.
Naka tengahari Hari Minggu tu tadi, 29,589 kes udah suman enggau dikemendar pansut ari sepital.
Bisi 238 kes positif agi diperubat ba sepital enggau dua kes raya ba Unit Sakit Raya.
Ku Opis Menteri nya, 10,751 kes bisi kelai tauka gerai ari sikut klinikal tang positif Covid-19 udah dikuarantin enggau diperubat ba fasiliti komuniti.
Naka diatu, 26 iku bebadi nyawa ketegal komplikasi kena rampit Covid-19.
Nadai kluster baru ditemu naka Hari Minggu tu tadi
Kluster pemadu besai di Singapore, S11 Dormitory @ Punggol ngerikod 2,748 kes ti ditukuka seraya lus pemadu besai ba republik nya, Sungei Tengah Lodge ngerikod 2,039 kes. – BERNAMA
