KUCHING: Sarawak beguna RM19.2 bilion dikena nyapai bekal ai penuh datai ba taun 2030.
Nya kebuah, Perintah Besai dipinta nyendiaka agih belanja ti chukup dikena mantu nengeri tu nyapai tagit nya.
Menteri Utiliti enggau Telekomunikasyen, Datuk Julaihi Narawi madah, naka diatu bekal ai ba Sarawak udah nyapai 84.1 peratus baka 99 peratus ba sitak mengeri enggau 67.8 peratus di menua pesisir.
Ku iya, Perintah Sarawak udah ngagihka belanja RM4 bilion dikena bejalaika Program Grid Bekal Ai Sarawak mungkur 298 projek nyengkaum Bekal Air Alternatif Sarawak (SAWAS).
Naka diatu, 229 projek udah ditembu, 52 projek disadang tembu taun tu, 12 projek disadang tembu taun baru seraya lima agi projek benung ditinda.
Julaihi mansutka jaku nya lebuh nyimpul jurai opis menteri iya ba Aum Kunsil Nengeri (DUN), ditu tadi.
Julaihi mega madah, peminta bekal ai di Sarawak disadang nambah ari 2,000 juta liter air sehari (MLD) diatu ngagai 2,400 MLD datai ba taun 2030.






