32, 769 hektar tanah di Ngemah disukat Seksyen 6

KUCHING: Bisi 32,769 hektar tauka 80,972 ekar udah disukat kelingi sereta digazet nyadi Rizab Komunal Bumiputera (Betanam Betupi) di baruh Sekyen 6 Kanun Tanah Negeri di Ngemah.

Menteri Muda Pemansang Mengeri enggau Pengeraja Asal Datuk Len Talif Salleh madahka penyampau nya nyengkaum lima endur ke udah disukat kelingi.

“Sida ke ngambu tanah nya patut nunjukka diri udah sedia nyukat lot individu ngambi pala tanah ulih dikeluar di baruh Seksyen 18 Kanun Tanah Negeri.

“Sida patut nganjung peminta rasmi ngagai Opis Tanah enggau Survey Bagi Menua Sibu,” ku iya nerang.

Len madah munyi nya lebh nyaut tanya ari Alexander Vincent (GPS-Ngemah) ba Aum Kedua Renggat Keempat Dun Ke-18 ditu tadi.

Suara Sarawak