KUCHING: Bisi 800 chalun Sijil Pelajaran Malaysia (SPM) 2024 di Sarawak ti diripotka enda datai napi peresa nya mayuh milih gawa ngidupka sida sebilik.
Ku Direktor Opis Pelajar Nengeri Sarawak, Omar Mahli, pemutus enda datai napi peresa semua subjek nya udah diputus nembiak tumu agi ketegal sekeda kebuah nyengkaum deka terus gawa kelimpah napi penanggul pengerai.
“Bisi 32, 239 ari 33, 039 chalun ari sekula Opis Menteri Pelajar Malaysia (KPM) di Sarawak udah napi peresa SPM 2024.
“Seraya 800 tauka 2.42 peratus chalun enda datai napi peresa semua subjek ti direjister ketegal bemacham kebuah.
“Tu nyengkaum mayuh milih gawa ngidupka sida sebilik, bisi mega napi penanggul pengerai tang mayuh milih gawa,” ku iya.
Omar madah munyi nya lebuh dirandau pemberita pengudah pengawa mantaika pemutus SPM 2024 ungkup Sarawak, ditu tadi.
