ARTIKEL

TABI PUJI… Abang Johari nerima pingat kebesaran pemadu tinggi Sabah iya nya SPDK ari Tun Juhar di Kota Kinabalu ditu, tadi.

Abang Johari siku ari penerima pingat darjah kebesaran pemadu tinggi Sabah iya nya SPDK

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Premier Sarawak, Datuk Patinggi Tan Sri Abang Johari Tun Openg nerima pingat darjah kebesaran pemadu tinggi Sabah, Seri Panglima Darjah Kinabalu (SPDK) ti mai gelar ‘Datuk Seri Panglima’ tadi.

Tuai Perintah Sarawak nya ba rintai keterubah ari 55 penerima pingat nya serimbai Pengawa Ngintu Hari Pengada Rasmi Ke-71 Tuai Pemegai Menua (TYT) Sabah, Tun Juhar Mahiruddin.

Istiadat meri pingat nya dipenyadi Tun Juhar ti bepalan di Istana Seri Kinabalu, Kota Kinabalu.

Bela datai, bini Premier Sarawak, Puan Sri Datuk Amar Juma’ani Tun Tuanku Bujang sereta disempulang Sapit Menteri Utiliti enggau Telekomunikasyen (Utiliti), Datuk Dr Abdul Rahman Junaidi.

Dulu agi ari nya, bisi 1,373 penerima darjah kebesaran, bintang enggau pingat basa serimbai Pengawa Ngintu Hari Pengada Ke-71 TYT Sabah, Tun Juhar Mahiruddin.

Kelimpah Abang Johari, tiga penerima pingat SPDK ti bukai iya nya Menteri Dagang Temuai, Main Asal enggau Rampa Menua (KePKAS), Datuk Christina Liew, Tuai Polis Menua, Tan Sri Razarudin Husain sereta orang dagang kapal, Datuk Kumar Prabakaran.

Pia mega, bisi 87 penerima nerima pingat Panglima Gemilang Darjah Kinabalu (PGDK) ti mai gelar ‘Datuk’.

Entara penerima PGDK nyengkaum Pemantu Menteri Betanam Betupi, Pengawa Berikan enggau Industri Pemakai Sabah, Peto Galim, Pemantu Menteri Pekara Wang, Tan Lee Fatt, Panglima 5 Briged Brig Jen Mohd Zamri Abdullah sereta Sekretari Mendam Opis Menteri KePKAS, Josie Lai Mei Sing.

Bela nerima PGDK iya nya Tuai Opis Pansik Penyalah (JSJ) Kontinjen Sabah, Senior Asisten Komisioner Azmi Abdul Rahim, Tuai Opis Penagang Penyalah enggau Pengelikun Komuniti Kontinjen Sabah, Senior Asisten Komisioner Mohd Azhar Hamin, Mandal Chanselor University College Sabah Foundation (UCSF), Dr Rafiq Idris sereta Tuai Pengarang The Borneo Post Sabah, Datuk Chiew Nai Wen.

Nangkan nya, bisi 10 nerima anugerah Jaksa Pendamai (JP) ti betuai ke Bakri @ Norzaidi Ali Omar lalu dientudi ke Datuk Ewon Benedick, Datuk Guan Ka Hock, Datuk Seri Panglima Joachim Gunsalam, Juddy Chu Yen Tien, Datuk Kasim Mansor, Koh Siew Boon, Datuk Liew Kim Choong, Yee Tsai Yiew sereta Datuk Zakaria Mohd Edris @ Tubau.

Bisi 116 nerima Ahli Setia Darjah Kinabalu (ASDK) lalu 274 nerima Ahli Darjah Kinabalu (ADK) sereta 320 nerima Bintang Setia Kinabalu (BSK).

Pia mega, bisi 421 nerima Bintang Kinabalu (BK) lalu 144 ti bukai nerima Pingat Perkhidmatan Terpuji (PPT).

BERITA LAIN

Tiga lelaki ditan

MUKAH: Tiga lelaki peranak menua beumur entara 24 nyentuk 26 taun ditan pengudah ditemu positif dadah bansa methamphetamine ba Operasyen Begulai Nagang Penyah t i

6.49 gram dadah dirampas

KUCHING: Bisi 14 individu ditan ba bemacham penyalah bekaul dadah ba Op Tapis Khas ti dipejalai pengelama tiga hari ngelingi pelilih tu, ari 25 nyentuk

BERITA TERBARU