Adlinea Ratu Pengerami Saratok 2019

SARATOK: Adlinea Alexander, 19 dipadu ngempu gelar champion Pekit Ratu Pengerami Saratok 2019 ke diatur malam Hari Minggu tu tadi.

Maya dirandau pemberita, Adlinea madah sigi nadai ngadang ulih menang laban semua penyereta endang bela bisi pengelebih.

“Nyangka udah jereki aku malam tu (bulih gelar ratu),lalu meri besai terima kasih ngagai semua sukung enggau jaku ajar bala bakih aku ngelama tu sereta enda tinggal mega nuju penengkebang pekayan dikena aku malam tu,”ku iya.

Lansa sama, ba penuduk lumur dua Pekit Ratu Saratok iya nya Dorika James ti mega nerima perais ungkup kategori Pekayan Pemadu Manah lalu lumur tiga dipenggi Jennifer Thien Seww Ying kemega siku ari penyereta ti mujur bulih perais ba kategori Miss Fotogenik sereta Leonarita Nureen Lingang menang ba kategori Mua Pemadu Bajik.

Genap kategori nyendiaka perais RM150 lalu disempulang enggau tropi.

Champion Pekit Ratu Saratok taun tu mai pulai perais mata duit RM 1000,lumur dua RM700 lalu lumur tiga RM 500 sereta disempulang enggau tropi.

Suara Sarawak