LUMAJANG: Pejalai pengidup siku orang kaya ari Lumajang, Jawa Timur ti dikelala ngena nama Mbah Kerto benung angat dikerandauka mensia mayuh.
Orang kaya beumur 103 taun nya agi regas bejalaika pengawa kebun sereta ngembuan kebun 30 hektar pemesai lalu nanam bemacham bansa sayur baka ubi gantang, bawang mirah enggau kubis.
Nengah kebun nya, iya mujur bulih asil 150 tan sayur ti berega 1.3 bilion rupiah (RM382,573) lalu duit nya dikena iya meri barang enggau entukar berega.
Sebedau tu, aki tuai nya kala meli entukar ngena duit ti diangkut iya ngena guni lebih 10 kilogram pemerat.
Mbah Kerto madah, dikena nyapai pemujur nya ukai pekara ti nyamai laban bemacham penguji enggau pemar ditapi iya.
“Ukai pekara mudah deka nyadi kaya lalu ukai pekara tusah deka nyadi seranta tang enti deka mujur kitai meseti ransing ngereja pengawa diri sereta andal diri ulih mujur,” ku iya.






