DALAT: Mensia mayuh enggau semua peranak di Pelilih Dalat diperansang sampal datai ke Dewan Masyarakat Oya pagila, 3 Ogos 2019, pukul 9.00 pagi ngulu Forum Numbuhka Malaysia: Ngingatka MA63.
Forum tu diatur begulai Palan Servis Adun Dalat enggau kerejasama Serakup Patriotik Sarawak .
Adun Dalat ti mega Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Sri Hajah Fatimah Abdullah disadang bejadika forum pagila.
Kelimpah ari nya, Kaban Panel 1 ba forum tu iya nya Kaban Parlimen Santubong Datuk Sri Dr. Haji Wan Junaidi Tuanku Jaafar.
Kaban Panel 2 iya nya Menteri Muda ba Opis Kepala Menteri (Undang-undang, Kaul Sarawak enggau Perintah Besai sereta Matau Projek) Hajah Sharifah Hasidah Sayeed Aman Ghazali.
Panel kepenudi iya nya Presiden Serakup Patriotik Sarawak Datuk John Lau Pang Heng seraya moderator forum Sekretari Politik Kepala Menteri Faridah Osman.
