ARTIKEL

Dr. Monica Janowski

Aram sampal mendingka licha reti naga China

Facebook
Twitter
LinkedIn
WhatsApp
Telegram

KUCHING: Kaban antropologi British, Dr. Monica Janowski enggau lebih 30 taun peneleba mansik di Sarawak deka meri licha ke diberi nama The Chinese Dragon (Lung) in Sarawak di Muzium Budaya Borneo ditu, pagila.

Iya deka bekunsika simpul asil pansik pasal komuniti China ba pemesai reti enggau guna naga China kelimpah jerita enggau pegarap naga China ti dikaul enggau orang Borneo ke bukai.

Poster licha

Monica madah, iya deka nusui pasal pekara kaul entara naga China enggau landskap sereta alir ai.

“Aku deka mantaika sekeda utai ditemu pasal pengarap orang China ba naga nya enggau chara sida bekenang enggau pengarap orang asal pasal jelu ai,” terang iya.

Iya madah ke diri udah mansik pasal pengarap jelu ai ke dikumbai naga ba mayuh raban etnik di Sarawak tu kenyau ari taun 2017, lebuh iya nyadi pemansik di Muzium Sarawak, dikena nyikap Muzium Budaya Borneo ke baru.

“Aku udah ngeluarka artikel pasal naga tanah tinggi enggau naga Iban dalam Jurnal Muzium Sarawak enggau empat artikel dalam Harian Dayak ba suku keterubah 2023, dalam siri dikumbai ‘The Naga Moves’,” ku iya madah lenak.

Baca lain  Ubah Ordinan Bangunan Sarawak 1994 deka dibantai ba DUN Oktober tu

Ungkup rikod, Monica udah mayuh ngaga pansik pasal naga ai dalam bansa Kelabit enggau raban bansa bukai di Sarawak nyengkaum Kayan, Kenyah, Berawan, Penan, Bidayuh, China enggau Melayu kenyau ari 2017 suba.

Pansik digaga iya di Sarawak kenyau ari 1986 udah bisi asil nengah artikel ti dikeluar baka The Forest, Source of Life: The Kelabit of Sarawak (British Museum and Sarawak Museum, 2003) enggau Tuked Rini, Cosmic Traveller: Life and Legend in the Heart of Borneo (NIAS Press and Sarawak Museum, 2014).

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

PDRM

Suspek kes amang seksual ditahan di Miri

SRI AMAN: Suspek lelaki dikehendaki polis yang disyaki melakukan amang seksual terhadap seorang kanak-kanak perempuan di kawasan tanah perkuburan lama, Kampung Kubal, Betong ditahan Jumaat

Pemancing udang jumpa mayat terapung

MIRI: Sembilan pemancing udang galah dikejutkan dengan penemuan mayat seorang lelaki dalam keadaan tidak sempurna di Sungai Kuala Baram di sini, hari ini. Ekoran itu,