KUCHING: Sarawak Aquatics (ASWK) meri insentif sepenyampau RM60,900 ngagai atlit enggau jurulatih lunba akuatik Sarawak ti bulih mudil ba Lumba Malaysia (SUKMA) 2026 kelai nyaku penyulut enggau pengeransing sida ngemegah nama nengeri.
Presiden ASWK, Tan Kun Gee madahka pengawa meri insentif nya dikearap nyadi pengeransing ngagai atlit enggau jurulatih ngambi terus nambah penyulut sereta nempa pemujur besai agi ba pekit ke deka datai, kelebih agi SUKMA 2028.
“Tabipuji ngagai semua penerima anugerah ti udah ngemegah nama Sarawak.
“Kami ngarapka insentif tu deka meransang kita terus nyadi penyulut enggau pemujur besai agi dudi hari,” terang iya.
Kun Gee madah munyi nya lebuh Pengerami Makai Lemai Ngenang Jasa SUKMA enggau Anugerah Genap Taun Sarawak Aquatics, ditu Hari Enam tu tadi.
Bela datai ngerichah pengerami iya nya Sapit Menteri Nembiak, Lumba enggau Pemansang Orang Dagang Sarawak, Datuk Gerald Rentap Jabu.
Ku Kun Gee, tetap pemujur atlit nya asil semampai belatih, pengeransing jurulatih sereta sukung apai indai enggau pegawai ti ngesan pangku pengawa besai ba pemansang lunba akuatik nengeri.
Ba SUKMA XXII Selangor 2026, kontinjen akuatik Sarawak enda memujur nengah achara terejin ti namah lapan mudil emas, tiga pirak enggau tiga engkeraju.
Tim polo ai lelaki enggau indu mega nyapai seliting lebih bulih mudil emas seraya achara nyemerai nambah siti mudil emas, dua pirak enggau empat engkeraju.
Ku iya, taja pen seliting asal mudil emas udah ngachau achara nyemerai enda tejapai, tang pemujur nya meseti nyadi pemun berati ke pengelamai enggau negap pengawa besikap napi pekit bukai dudi hari.
“Kitai ngerami pemujur, belajar ari pengilap lalu kering agi ungkup dudi hari,” ku iya nyemetak.
Ba pekara bukai, iya madahka pengawa nukar nama Serakup Nyemerai Amatur Sarawak (ASAS) nggal Sarawak Aquatics (ASWK) udah dikemendar seraya ngekal ngeriat baru ba pengawa negap identiti serakup enggau pemansang lunba akuatik di Sarawak.
Ku iya, pengawa mai baru nama nya mandangka pengeran serakup ngembar pemansang penau nembiak, nambah standard jurulatih sereta nyendia mayuh agi peluang ngagai atlit ungkup bepekit ba rengat nengeri, nasional enggau antarabangsa. – EDISI UKAS
