GEDONG: Balai Datuk Patinggi Ali di Gedong deka diseruri enggau disikap fasiliti meruan sebaka Palan Aum Borneo Kuching (BCCK) di Kuching.
Premier Sarawak ti mega Kaban Kunsil Nengeri (ADUN) Gedong Datuk Patinggi Abang Johari Tun Openg madahka tinda projek nya deka dibuka ngagai mensia mayuh bulan Januari taun baru.
“Aku nemu kita ditu (ba balai) angat, bisi ti bekipas ngena kipas keretas TVS.
“Aku udah madah ngagai Datuk Naroden (ex-ADUN Gedong Datuk Naroden Majais) enggau arkitek ngambika nyeruri sereta nyikap Balai Datuk Patinggi Ali tu enggau kereban ti moden sereta bisi ‘airkon’,” ku iya.
Abang Johari bejaku munyi nya rambau Program TVS Prihatin TVS (Pengawa Nanam Pun Kayu enggau Nyuaka Dekoder MyTV Serimbai Taun Ke-3 TVS) ba Balai Datuk Patinggi Ali di Gedong ditu, tadi.
Ku iya, balai nya ila diadu enda kurang baka BCCK laban deka ngembuan fasiliti ti manah sereta pemadu baru.
