Bansa barang diijaga rega nambah tiga

KUCHING: Tiga bansa barang ditambah ba rintai barang dijaga rega Skim Rega Maksimun Pengerami Taun Baru China 2020.

Sapit Menteri Dagang Dalam Menua enggau Pekara Bebelika Barang (KPDNHEP) Chong Chieng Jen madahka tiga barang nya nyengkaum chabi mirah, tomato enggau ubi kentang.

“Ba taun 2018, kitai semina ngerintaika 13 bansa barang aja.

“Tang taun tu, bisi 16 bansa barang dirintai dalam barang dijaga rega nyengkaum babi,” ku iya.

Chieng Jen madah munyi nya ba aum pemberita pengudah bejadika Skim Rega Barang Maksimum beserimbai enggau pengerami Taun Baru China 2020 di Emart Batu Kawa ditu tadi.

Suara Sarawak