SARIKEI: Bantu deka diberi dikena ngelempungka tating penusah semua sida ti tasah ba penusah agus nuntung Rumah Dangat Sungai Kawi ditu pagi kemari.
Opis Pengintu Pengelantang Mensia Mayuh (JKM) Sarikei lebuh dirandau madah, sida dulu agi meri bantu pemakai.
Taja pia, bantu bukai deka diberi pengudah pengawa mansik orang ti tasah nya tembu dipejalai.
Ba lansa sama, nasip sida Dangat serumah mega nerima perati ari pengari rayat dia.
Adun Meradong, Datuk Ding Kuong Hiing sama limpang ngabas endur penusah nyadi seraya nanyaka rita peranak dia kelimpah ngarapka sida nya liat ati napi penguji besai
berebak enggau nya, Sapit Menteri Pengeraja Asal, Rampa Menua enggau Ubah Gaya Hari, Datuk Seri Huang Tiong Sii meri penyinu ati ngagai sida Dangat serumah nengah pengari iya, Gung Chiu Kion sereta meri jamin deka mantu sida ti tasah enggau lengkas.
