Basa Abang Jo ngagai raban Kristian

MIRI: Lebih 40,000 raban Kristian enggau mensia mayuh disadang nedat Dataran Kipas Miri beserimbai enggau pengawa bejalai bebala mayuh Hari Krismas 2019 ditu kena 7 Disember tu.

Datuk Bandar Miri, Adam Yii madah, taun tu renggat ke-12 Pengawa Bejalai Bebala Mayuh Hari Krismas Bandar Raya Miri berambaika jaku ‘We Are 0ne In Chris’.

Ku iya, pengerami ninting taun nya deka disereta 15 gerija enggau kerejasama piak Kaunsil Mengeri Besai Miri (MBM).

“Kepala Menteri Datuk Patinggi Abang Johari Tun Openg mega deka datai lalu dipebasa bejadika pengerami nya ila.

“Penyiru enggau pementas Kepala Menteri kitai nerima kangau bejadika pengerami taja ukai megai pengarap Kristian.

“Tu terang ngayanka peneguh kaul serakup enggau begulai bebaik dikemeran kitai ditu kelimpah bebasaka jalai pengarap pangan diri,” ku iya rambau aum media ditu, kemari.

Suara Sarawak