KUCHING: Kunsil Nengeri (DUN) sehari tu udah ngemendarka Rang Undang-undang Perbekalan Tambahan (2024), 2024 enggau belanja tambah RM68,746,470 ungkup taun tu.
Rang Undang-undang (RUU) nya udah dibantaika Sapit Premier Sarawak, Datuk Amar Douglas Uggah Embas lalu disukung Sapit Premier Sarawak, Datuk Amar Awang Tengah Ali Hasan.
Uggah, ti mega Menteri Pekara Wang enggau Ekonomi Baru Kedua, madah ke belanja tambah nya dikena nyangkung ungkus bemacham servis ti dipelanja bemacham opis menteri enggau opis, ti enda disedia tauka enda chukup dalam Anggar 2024 dan enggau Anggar Tambah Keterubah, 2024.
Iya mega bisi mantaika mosyen bemalin ke Komiti Belanja, Anggar Belanja Keterubah ungkup Belanja Pemansang, 2024 ti dibantai kena Hari Satu tu tadi.
“Bisi 22 sub aktiviti enggau 24 sub aktiviti ti begunaka belanja tambah lalau penyampau agih belanja tambah ti diguna manggai RM61,000,230,” ku Uggah nyemetak. – NICK FLETCHER
