ARTIKEL

TEPA… Sikie nerima tepa ari raban pengatur

Bemacham bantu disedia dikena nyamin pengelantang rayat

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SELANGAU: Bemacham bantu udah disediaka Perintah Sarawak dikena negap enggau nyamin pengelantang peranak rumah panjai ba selampur Sarawak.

Ku Menteri ba Opis Premier Sarawak, Datuk John Sikie Tayai, Perintah Sarawak ngagihka belanja ngagai genap konstitusyen DUN enggau agih belanja nya mega dikena ungkup sitak rumah panjai kelebih agi di DUN Kakus.

“Ambika chunto, enda kurang lima ngagai tujuh buah rumah panjai setaun ungkup DUN Kakus udah nerima bantu jali berumah panjai ari Kaunsil Pemansang Pekara Rumah (HDC),” terang iya.

Sikie mansutka jaku nya ba Pengerami Tuai Begulai enggau Rayat beserimbai pengawa bejadi Rumah Panjai Baru Lubok Achong Ulu Sungai Arip di Rumah Sigan Banjang, Jalai Ulu Sungai Arip, empai lama.

Ku iya, ADUN enggau Kaban Parlimen mega bisi agih belanja Projek Nyeleti Rumah Seranta Sarawak (PPRMS) penyampau RM1 juta setaun dikena mantu raban ti tusah nirika rumah.

Nambahka nya, iya ngarapka semua agih belanja ti diberi deka dikena manah ungkup pemaik rumah panjai.

Kelimpah ari nya, Sikie mega ngemendarka agih belanja Projek Mit Pemansang Menua Pesisir (MRP) penyampau RM15,000 ngagai Komiti Pemansang enggau Pengelikun Genturung Pendiau (JKKK) Rumah Sigan.

Ba lansa sama, Kaban Parlimen Selangau, Edwin Banta minta rayat rumah panjai besar berindik ari agih belanja ungkup peminta rumah panjai penyampau RM60 juta enda chukup.

“Agih belanja nya dikemerat ungkup peranak rumah panjai ti napi penusah ketegal Projek Jalai Besai Pan Borneo,” terang iya.

Sama datai, Tuai Rumah Sigan Banjang, Pemancha Gerosen Jubin, Penghulu Lasit Bajieng, Penghulu Jeffery Irut enggau Prinsipal Sekula Sekondari (SMK) Tatau Dr. Layang Ugek.

BERITA LAIN

Nembiak IPTA deka ampit FTES

KOTA SAMARAHAN: Perintah Sarawak merambu ngerembaika inisiatif Pelajar Tinggi Pechuma Sarawak (FTES) ngagai anak Sarawak ti nampung pelajar ba palan pelajar tinggi perintah (IPTA). Premier

Sekularship perubat Timur – Barat

KOTA SAMARAHAN: Premier Sarawak, Datuk Patinggi Tan Sri Abang Johari Tun Openg merambu Universiti Malaysia Sarawak (UNIMAS) nengah Yayasan Sarawak nyendia sekularship penuh ngagai nembiak

BERITA TERBARU