SIMANGGANG: Sepenyampau 29 saman dikeluar sepanjai Op Bersepadu ti diatur Indu Opis Polis Pelilih (IPD) Sri Aman pengelama enam hari serimbai Hari Raya Aidilfitri 2024.
Tuai Polis Pelilih Sri Aman, Deputi Superintendan Matthew Manggi madah, advokasyen kimpin pengelikun Op Selamat 22 nya dipejalaika begulai Unit Pansik Penerit Adat Trafik (BSPT) sereta Unit Nagang Penyalah enggau Pengelikun Komuniti (BPJKK).
“Sepenyampau 29 saman ngaul bemacham penyalah bisi dikeluar ba Op Bersepadu pengelama enam hari nya,” ku iya.
Terang iya, kimpin advokasyen enggau Op Bersepadu ti betuaika BSPT IPD Sri Aman, Inspektor Leston Norman nya dipejalaika ba KM-2 Jalai Sri Aman-Kuching dikena ngurangka penusah aksiden jalai alaun enggau penyalah nyerungkai rumah.
Mathew madah, operasyen sekali tu dikena ngajar penguna jalai alun pemesai guna ngasika undang-undang jalai alun dikena nyeliah penusah aksiden.
“Inisiatif tu mega dikena nyidi entukar churi tauka lenyau.
“Nangkan nya, tu dikena nentu rayat ngasaika pemisi raban polis kelebih agi polis trafik,” ku iya.
Iya ngelalau penguna jalai alun semampai bejimat sepanjai musin pengerami.






