ARTIKEL

Briged Ketiga Infantri Malaysia meras nyaga pengelikun Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Briged Ketiga Infantri Malaysia semampai meras nyaga pengelikun Sarawak lebih agi bekaul entara menua bepun ari indu menua Indonesia ke deka mindah ngagai Nusantara.

Panglima Briged Ketiga Infantri Malaysia, Brigadier Jeneral Mohd Sauffi Omar, madah tu bela nyerumba ari penangi Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar, bekaul isu pengelikun lalu tau ke enda pengawa mindahka indu menua nya meri empas ngagai Sarawak.

“Kelimpah ari nya bisi mega pekara positif deka nyadi baka ba ekonomi, pemansang sereta ke bukai, lalu Tun Pehin Sri Dr Wan Junaidi ngarapka pekara nya dikemerat dikena nentuka pengelikun Sarawak,” ku iya.

Iya bejaku munyi nya maya berandau enggau media sepengudah ngatur penemuai basa ngagai Tun Wan Junaidi di Astana Nengeri Sarawak ditu seharitu.

Penemuai basa nya mega keterubah diatur Mohd Sauffi pengudah iya dipadu mangku pengawa nyadi Komander ke-40 Briged Ketiga Infantri Malaysia kena 31 Mei 2024.

Bela bisi maya nya, bini Yang di-Pertua Negeri Sarawak, Toh Puan Fauziah Mohd Sanusi, enggau bini Mohd Sauffi, Dayang Satiah Awang Siee.

BERITA LAIN

BERITA TERBARU